Calidade musical.
O Facela Fest é un festival de autor onde prima unha cousa por riba de todo: a calidade das bandas participantes. Un festival de música independente que se diferencia doutros festivais de música do país polo seu coidado e arriscado cartel. Non é outro festival clónico, senón unha clara aposta pola diferenciación, coa cultura como eixo fundamental; é unha clara aposta pola -si, somos algo pesados- calidade das bandas. Salte del closet e ven descubrir un festival único, unha cidade única… asegurámovolo, quen proba repite! Moi benvidas e moi benvidos ao universo sonoro do Facela Fest: Calidade musical e punto.
MECENAS
Grazas!
Non habería Michelangelo sen os Medici, non habería Facela Fest sen padriños. Sería imposible chegar á oitava edición do Facela Fest —pandemia do becho mediante— sen o soporte das entidades (pequenas, medianas, grandes, públicas, privadas…) que realizan un esforzo económico para apostaren connosco pola cultura. Por iso, grazas! Grazas a todos os patrocinadores, colaboradores, comunicadores… grazas aos que en menor ou maior medida poñedes o voso gran de area para facer realidade os soños sonoros de varias xeracións que medraron sen “facelas”.
Patrocinan:
Colaboran:
Comunican:
