Festival de Música Independente – Lugo

FaCeLa

Fest

2026

PRESENTA: LAS HISTORIAS DETRÁS DE LAS CANCIONES

Jorge Explosion

Jorge Muñoz Cobo, Jorge Explosion, presenta un espectáculo en solitario íntimo e persoal no que percorre a súa traxectoria vital e musical a través de cancións e relatos reais. Un formato próximo e pouco habitual onde conviven temas novos —algúns adiantando o vindeiro disco de Doctor Explosion— con cancións antigas e outras case nunca interpretadas en directo.

O espectáculo constrúese como unha viaxe contada en primeira persoa. Cada canción dá paso a lembranzas e episodios vividos que se encadean sen artificios. O ton combina relato, humor e ironía, pero afástase do concepto clásico de club da comedia: non hai monólogos ensaiados nin distancia, senón historias reais contadas de forma espontánea, tal e como foron. O humor aparece de maneira natural, como parte do propio relato.

Las historias detrás de las canciones non é un concerto ao uso, senón un espectáculo diferente onde música e palabra se mesturan para contar un percorrido persoal directo e sen imposturas.

E despois a festa continua cunha ‘pinchada’ a cargo do propio Jorge, que o acompañarán Magic Pat e Jimmy Jimmy.